AJÉNSIA RESPONSÁVEL

Diresaun Nasionál Transportes Terrestres (DNTT)

Ministériu Transporte no Komunikasaun (MTK)

Enderesu: Avenida Balide, No. 227,  Dili, Timor-Leste

Telefone: (+670) 333 9355 / 333 9353

Email: info@mof.gov.tl  

Website: www.mtc.gov.tl

DOKUMENTUS NE’EBÉ PRESIZA BA APROVASAUN IMPORTASAUN HUSI DNKE, MCI (liuhusi JANELA ÚNIKA)

1. Deklarasaun aduaneira kona-ba importasaun

2. Aprovasaun husi DNKE

3. Aprovasaun husi DNTT 

ETAPAS PROSESU NIAN

Etapa 1: Prepara pedidu no dokumentus nesesárius hothotu.

Etapa 2: Submete pedidu ba Diretór Nasionál Komérsiu Esternu (DNKE).

Etapa  3: DNKE rejista Komersiante ho Janela Únika.

Etapa 4: Komersiante foti ninia seña (password) husi Alfândegas. 

Etapa 5: Komersiante hatama ninia dokumentus iha Janela únika.

Etapa 6: Pedidu tama ba faze avaliasaun husi DNKE, Departamentu Esportasaun no Importasaun.

Etapa 7: DNKE sei aprova lisensa importasaun ne'ebé bele uza dala barak no válidu ba fulan tolu

Karik informasaun hatudu katak importadór la iha lisensa komersiál válida tanba hetan suspensaun ka prazu ramata ona, DNKE tenke notifika Autoridade Aduaneira Timor Leste no importadór katak nia (importadór) la iha kondisoins atu importa produtu(s) no veíkulu(s) ne’ebé nia hakarak lori mai.

Etapa 8: Importadór submete deklarasaun importasaun no aprovasaun husi DNTT ba Alfándegas Timor-Leste

Karik informasaun hatudu katak veíkulu motorizadu nia tinan menus tinan 5, hahú sura husi data fabriku orijinál (data chassis nian) to’o data tama-mai territóriu alfandegáriu Timor-Leste, sei halo inspesaun fízika ba veíkulu ne’e.

Karik informasaun hatudu katak veíkulu motorizadu nia liu tinan 5, ka laiha autorizasaunatu uja veíkulu automóvel ida ne'e iha dalan públiku Tim AA sei la aprova pedido importasaun.

Etapa 9: Alfândegas Timor-Leste, DNTT no DNKE halo inspesaun hamutuk ba veíkulu.

Etapa 10: Selu Impostu ba Alfandega iha Portu Tibar, Depois ne'e fila fali ba DNTT Ho prova pagamentu no selu tiha DNTT ba fatin númeru, DNTT hatama rejistu númeru iha NSW.

  Etapa 11: Autoriza foti veíkulu.

  Etapa 12: DNTT Regista veíkulu.

OBSERVASAUN

1. Karik importasaun la hetan autorizasaun, tuir lei haruka, Autoridade Aduaneira tenke notifika importadór atu, iha prazu loron 30 nia laran, nia tenke haruka fila referidu veíkulu, no importadór mak sei seluk despeza hothotu ba prosesu ida ne’e.

2. Hafoin prazu loron 30 remata, karik importadór la haktuir pontu leten,  Autoridade Aduaneira tenke notifika importadór katak sei foti tiha veíkulu ne’ebé nia lori-mai no sei fó tiha ba Estadu, hare’e ba termus artigu 368.º Kódigu Aduaneiru nian, Dekretu-Lei n.º 14/2017, no tuir regime aduaneiru, sei fa’an liuhusi leilaun públiku

3. Bainhira hetan provas katak importadór falsifika dokumentus hodi buka hasees-an husi kumprimentu regras kona-ba importasaun veíkulus, Autoridade Aduaneira sei foti tiha veíkulu sira ne’ebé importadór  lori-mai no fó tiha ba Estadu, tuir termus artigu n.º 368.º Kódigu Aduaneiru

4. Ba servisus  inspesaun sei kobra montante tuir mai: inspesaun ba kontentór iha Portu Timor, USD185.68 ba kontentór ho 20 pés, USD371.35 ba kontentór ho 40 pés no  USD435.01 ba kamiaun ho 40 pés.

 MAPA PROSESU NIAN