IMPORTASAUN VEÍKULU MOTORIZADU (ho tinan liu tinan lima)

AJÉNSIA RESPONSÁVEL

Autoridade Aduaneira Timor-Leste

Enderesu:  Avenida Cidade de Lisboa Palácio do Governo, Caicoli, Díli

Telefone:  +670 3331312 / 78029491

Email: rfreitas@mof.gov.tl

Website: www.customs.gov.tl

 

DOKUMENTUS NESESÁRIUS 

1. Dokumentu Administrativu Úniku (DAU)
DOKUMENTUS NESESÁRIUS BA VEÍKULU IMPORTADU HUSI REZIDENTE FILA FALI MAI TIMOR-LESTE

1. Pasaporte ka sertidaun moris prova katak importadór ninia otas, pelu menus, tinan sanulu resin hitu

2. Vistu ka dokumentu seluk ida emitidu husi Governu ne’ebé prova katak importadór hela horiuluk iha rai-liur liu fulan sanulu resin rua tuituir malu to’o loron ida ne’ebé nia filafali mai Timor-Leste atu hela ona.

3. Dokumentus rejistu veíkulu automóvel nian iha estranjeiru ka dokumentu sosa veíkulu atu prova katak importadór ne’e rejista veíkulu iha nia naran iha país ne’ebé nia hela horiuluk, pelu menus, durante fulan sanulu resin rua tuituir malu to’o loron ne’ebé nia filafali mai Timor-Leste atu hela ona.

DOKUMENTUS NESESÁRIUS BA VEÍKULU MOTORIZADU IMPORTADU IHA ÁMBITU AKORDU INTERNASIONÁL, HANESAN KONVENSAUN VIENA, NO SIRA SELUK NE’EBÉ PARLAMENTU NASIONAL RATIFIKA DEVIDAMENTE

1. Bill of Lading (conhecimento de embarque) ba veíkulu iha situasaun ida ne’e tenke indika Organizasaun Internasionál nu’udar resipiente. Organizasaun Internasionál tenke fornese mós evidénsia seluk kona-ba sé mak nain ba veíkulu, karik presiza

2. Dokumentu franchise (franquia) emitidu husi Ministériu Negósius Estranjeirus Timor-Leste (Dekretu-Lei n.º 6/2007, ho data 22 Agostu)

DOKUMENTUS NESESÁRIUS BA VEÍKULU SIRA FÓ BA INSTITUISAUN SOLIDARIEDADE SOSIÁL SIRA, NU’UDAR DOASAUN, HANESAN AMBULÁNSIA, KAMIAUN BOMBEIRU, ATRELADU, VEÍKULU SOKORRU, KA VEÍKULU SIRA SELUK HO UTILIDADE PÚBLIKA

1. Paresér préviu husi membru Governu responsável ba área solidariedade sosiál

2. Dokumentasaun identifika veíkulu no fó detalles kona-ba doadór (naran, enderesu, no kontaktu) no mós detalles kona-ba entidade benefisiária

3. Identifikasaun objetivu ba doasaun ne’e, asisténsia umanitária, saúde ka edukasaun, ho indikasaun projetu

4.  Evidénsia eskrita katak entidade ne’ebé simu veíkulu, nu’udar doasaun, rejista ona iha Timor-Leste, nu’udar Instituisaun ba Solidaridade Sosiál (ONG). Presiza iha Sertifikadu Rejistu emitidu husi Ministériu Justisa, no mós Númeru Identifikasaun Fiskál (NIF) emitidu husi Autoridade Tributária 

5. Sertidaun negativa dívidas (la iha tusan impostu nian) emitida husi Autoridade Tributária  

DOKUMENTUS NESESÁRIUS BA IMPORTASAUN VEÍKULUS BA UZU PESOÁL, NU’UDAR OBJETUS KOLESAUN, NARAN KATAK LORI-MAI IHA EMA IDA NIA NARAN NO IHA DOKUMENTU MARKA NIAN NE’EBÉ IDENTIFIKA SIRA NU’UDAR OBJETUS KOLESAUN

1. Dokumentu identifikasaun importadór nian

2. Dokumentasaun ne’ebé identifika veíkulu ninia karaterístika, no indika mós proprietáriu nia naran 

ETAPAS PROSESU NIAN

Etapa 1: Submete Dokumentu Administrativu  Úniku (DAU) hamutuk ho dokumentus nesesárius tuir kategoria ba Autoridade Aduaneira Timor-Leste

Etapa 2: Autoridade Aduaneira Timor-Leste  avalia dokumentu sira ne’e

Etapa 3: Karik aprova, bele foti  veíkulu importadu ne’e

OBSERVASAUN

1. Eis-rezidente ho otas liu 17, hafoin hela fulan sanulu resin rua tuituir malu iha rai-liur no filafali mai Timor-Leste atu hela ona, bele importa veíkulu motorizadu ba pasajeiru ka veíkulu lijeiru ba uzu mistu, ho tinan liu tinan lima, maibé sei lori-mai ba de’it uzu pesoál, katak la’ós ba faan, alugér, lokasaun finanseira ka troka. Maibé importadór tenke prova katak nia mak nain duni no nia uza veíkulu ne’e iha tasi balun, pelumenus, durante fulan sanulu resin rua molok filamai Timor-Leste.

2. Haktuir artigu 288 Kódigu Aduaneiru nian, DL n.º 14/2017, veíkulu sira ne’e labele fó-empresta, peñora, fó-aluga, ka transfere, ho pagamentu ka lae, iha prazu tinan rua (2) nia laran, hahú sura husi loron hahú uza, no labele halo buat ida sein fó-hatene uluk ba Autoridade Aduaneira Timor-Leste  

 MAPA PROSESU NIAN

 
Forms
# Title Description Issued By File
Measures
# Name Description Measure Type Agency Comments Legal Document Validity To Measure Class
1 Importa veíkulus motorizadus (ho tinan liu tinan lima) Importasaun ba veíkulu motorizadu lijeiru pasajeirus nian ka lijeiru mistu iha ne’ebé veíkulu iha tinan liu tinan lima (5), hahú sura husi data fabriku (data chassis nian) to’o data tama iha territóriu aduaneiru Timor-Leste nian, bele hatama-mai ho kondisaun sira prevista iha medida ida ne’e. Jerál Autoridade Aduaneira Timor-Leste Iha kazu eis-rezidente ruma ho otas liu tinan 17, ne’ebé hela iha rai-liur fulan sanulu resin rua tuituir malu, maibé fila ona atu mai hela iha Timor-Leste, tenke komprova katak veíkulu ne’e iha nia pose no nia uza molok fila mai Timor-Leste. Karik nia uza ona durante fulan sanulu resin rua, pelu menus, molok nia fila mai, nia bele importa veíkulu motorizadu lijeiru ba pasajeirus ka mistu, ho tinan liu tinan lima, ba uzu pesoál, katak, la’ós atu faan, fó-aluga, ka uza ba lokasaun finanseira ka troka. Dekretu-Lei n.º 64/2022, 31 Agostu, Alterasaun dahuluk ba Dekretu-Lei n.º 30/2011, 27 Jullu, Kondisoins no prosedimentus presiza haktuir bainhira importa veíkulus motorizadu 0002-12-14 Good
Step-by-Step Guide
# Process name Process short name Activity
Informasaun ne’e ajuda Ita-Boot?
Favor hakerek Ita-Boot nia hanoin no ajuda ami hadi’ak ami-nia konteúdu.