Unidade Kuarentena no Bioseguransa ninia misaun mak tau matan ba saúde rekursus agríkolas Timor-Leste nian. Ninia knaar importante mak proteje agrikultura no ambiente rai ida-ne’e nian husi pragas no moras ne’ebé bele tama husi rai-liur no da’et ba ita-nia ai-horis no animál sira. Servisu ida ne’e buka mós hasees produtu hahán ba ema no animál, ne’ebé prejudisiál, atu labele tama iha kadeia abastesimentu.

Banku Sentral Timor-Leste (BCTL, sigla iha lian Portugés) hala’o polítika atu hetan no mantein estabilidade folin iha rai laran. Atu hetan ninia objetivu prinsipál ida ne’e, BCTL promove likidéz no solvénsia husi sistema bankáriu no finanseiru ida ne’ebé estável ho baze iha merkadu, ezekuta polítika kambiál Timor-Leste nian, promove sistema pagamentus ida ne’ebé seguru, forte no efisiente, no apoia polítikas ekonómikas jerais Governu Timor-Leste nian.
LAWs: https://www.bancocentral.tl/en/go/law-of-the-national-parliament1
INSTRUCTIONS: https://www.bancocentral.tl/en/go/instruction
Atu hatene informasaun liután, konsulta: https://www.bancocentral.tl/en

Ministériu Finansas mak organismu governamentál responsável ba konsepsaun, ezekusaun, koordenasaun no avaliasaun polítika, ne’ebé define no aprova husi Konsellu Ministrus, ba área planeamentu no monitorizasaun orsamentu anuál no finansas públikas. Autoridade Tributária, Autoridade Aduaneira, no Komisaun Nasional Aprovisionamentu iha hela Ministériu Finansas nia dependénsia. Atu hatene informasaun liután, konsulta: https://www.mof.gov.tl/

Autoridade Tributária Timor-Leste (ATTL) mak entidade responsável ba administrasaun sistema tributáriu Timor-Leste no emisaun Númeru Identifikasaun Fiskál (NIF/TIN), prosesamentu formuláriu impostu mensál, no formuláriu rendimentu anuál. Atu hatene informasaun liután, konsulta: https://attl.gov.tl/

Autoridade Aduaneira Timor-Leste ajuda Governu kontrola movimentu merkadoria, veíkulu, ró no aviaun sira ne’ebé tama-sai país ida-ne’e. Aleinde proteje ita-nia fronteira husi importasaun no esportasaun ilegál ka husi merkadorias ho restrisaun, ami ajuda mós kobra direitus aduaneirus no impostus ne’ebé konstitui mós fonte importante ida ba rendimentu nasionál. Ami-nia misaun mak: asegura fronteira nasaun nian, no hapara merkadoria ilegál ka restrita ruma tama-sai país ida ne’e; asegura katak direitus aduaneirus no impostus sei kobra loloos no ho transparénsia; prevene lakon rendimentu signifikativu tanba inefisiénsia ka atividade ilegál; hala’o prosedimentu efisiente liu no garante Alfándegas kumpre padraun internasionál; fasilita komérsiu, no atrai investimentus liuhusi hakmaan dalan ba empreza sira halo importasaun no esportasaun; identifika no hamoos tiha korrupsaun iha Alfándegas laran. Atu hatene informasaun liután, konsulta: https://customs.gov.tl/

Ministériu Saúde mak organismu governamentál responsável ba konsepsaun, ezekusaun, koordenasaun no avaliasaun ba polítika, ne’ebé define no aprova ona husi Konsellu Ministrus, ba área sira refere ba saúde no atividade farmaséutika sira. Ministériu Saúde mak tutela Ospitál sira hosi Servisu Nasional Saúde, Servisu Autónomu Medikamentu no Equipamentu Médiku, EP (SAMES), Institutu Nasionál Saúde, Laboratóriu Nasionál Saúde, Servisu Nasional Ambulánsia no Emerjénsia Médika. Atu hatene informasaun liután, konsulta: https://www.ms.gov.tl/

Diresaun Nasional Farmásia no Medikamentus (DNFM) mak responsável ba definisaun, regulamentasaun, ezekusaun no avaliasaun polítika nasionál kona-ba medikamentus, atividade farmaséutika no laboratóriu saúde.

Ministériu Interior mak organismu governamentál responsável ba konsepsaun, ezekusaun, koordenasaun no avaliasaun ba polítika sira, ne’ebé define no aprova ona husi Konsellu Ministrus, ba área sira refere ba seguransa interna, migrasaun no azilu, kontrolu fronteira nian, protesaun sivíl, seguransa rodoviária no kooperasaun polisiál.

Ministériu Justisa mak organismu governamentál responsável ba konsepsaun, ezekusaun, koordenasaun no avaliasaun polítika, ne’ebé define no aprova ona husi Konsellu Ministrus, ba área justisa, direitu no direitus umanus no rai no propriedade. Ministériu Justisa tutela Sentru Formasaun Jurídika no Judisiária, Polísia Sientífika no Investigasaun Kriminál no Defensoria Públika. Atu hatene informasaun liután, konsulta: https://www.mj.gov.tl/

A Autoridade Nacional do Petróleo (ANP) é uma instituição pública de Timor-Leste, criada ao abrigo do Decreto-Lei n.º 62/2023, de 6 de setembro, terceira alteração ao Decreto-Lei n.º 20/2008, de 19 de junho, sobre a Autoridade Nacional do Petróleo, responsável pela gestão e regulação das actividades petrolíferas em Timor-Leste de Timor-Leste, tanto no offshore como no onshore e no Regime Especial do Greater Sunrise, de acordo com o Decreto-Lei sobre a estabelecimento da ANP, a Lei das Actividades Petrolíferas de Timor-Leste e o Tratado das Fronteiras Marítimas. A ANP deve estabelecer e supervisionar o cumprimento das regras e regulamentos promulgados que abrangem as actividades de exploração, desenvolvimento, produção, transporte e distribuição dos recursos de petróleo e gás natural. A ANP A ANP deve estabelecer e supervisionar o cumprimento das regras e regulamentos promulgados relativos à exploração, desenvolvimento, produção, transporte e distribuição dos recursos petrolíferos e de gás natural. Atu hatene informasaun liután, konsulta: http://www.anpm.tl/

Ministériu Obras Públikas mak organismu governamentál responsável ba konsepsaun, ezekusaun, koordenasaun no avaliasaun polítika, ne’ebé define no aprova ona husi Konsellu Ministrus, ba área obras públikas, abitasaun, abastesimentu, distribuisaun no jestaun bee, saneamentu no eletrisidade no ezekusaun planeamentu urbanu no abitasaun nian, ho responsabilidade liuliu atu propoin no ezekuta liñas polítika Ministériu nian iha área obras públikas, abitasaun, distribuisaun bee, jestaun bee, saneamentu no eletrisidade; ezekuta planus ordenamentu territoriál no polítika nasional ba abitasaun.

Ministériu Transportes no Komunikasoins mak organismu governamentál responsável ba konsepsaun, ezekusaun, koordenasaun no avaliasaun polítika, ne’ebé define no aprova ona husi Konsellu Ministrus, ba área transportes no komunikasoins. Ministru Transportes no Komunikasoins mak tutela Administrasaun Portus Timor-Leste (APORTIL); Administrasaun Aeroportus no Navegasaun Aérea Timor-Leste E.P. - ANATL EP, Autoridade Aviasaun Sivíl Timor-Leste (AACTL – Sigla iha Portugés) no Autoridade Nasional Komunikasoins (ANC – Sigla iha Portugés). Atu hatene informasaun liután, konsulta: http://www.mtc.gov.tl/

Autoridade Portuária Timor-Leste (APORTIL) mak instituisaun governamental autónoma responsável ba jestaun Portu Marítimu Díli. Prezidente Konsellu Administrasaun mak Lamartino de Oliveira. Portu Marítimu Díli lokaliza iha sentru kapitál nian. Hahú husi 30 setembru 2022, Portu Marítimu Díli la prosesa ona merkadoria komersiál ba importasaun ka esportasaun, no operasaun hothotu transfere ona ba Portu Tibar.

Autoridade Nasional Aviasaun Sivíl Timor-Leste (AACTL) tama iha tutela no supervizaun husi Ministru Transportes no Komunikasoins, nu’udar organizmu ho responsabilidade halo monitorizasaun, inspesaun, supervizaun no regulasaun ba atividades aviasaun sivíl, atu garante seguransa ba sistema transporte aéreu sira iha Timor-Leste; hala’o mós knaar ho Governu Timor-Leste nia naran, iha âmbitu kumpre responsabilidade hatu’ur iha Konvensaun Chicago kona-ba Organizasaun Internasional Aviasaun Sivíl (ICAO, sigla iha lian Inglés). Atu hatene informasaun liután, konsulta: https://aactl.gov.tl/

Institutu Kualidade Timor-Leste (IQTL, sigla iha Portugés) mak entidade reguladora nasionál ba Kualifikasaun, Normalizasaun no Metrologia ho knaar atu implementa, koordena no jere sistema nasionál kualidade no sistemas kualifikasaun regulamentár tuir lei haruka, promove no koordena actividades atu ajuda prova kredibilidade atuasaun husi ajentes ekonómikus, no mós atu dezenvolve asaun nesesária ba nia knaar nu’udar laboratóriu nasional metrologia.

TradeInvest Timor-Leste mak institutu públiku governamentál responsável ba promosaun investimentu no esportasaun. TradeInvest ninia objetivu mak fasilita no apoia potensiál investidór no esportadór lokál sira no ajuda mós empreza estranjeira sira atu identifika projetus husi oportunidades negósiu barak no oioin ne’ebé mosu dadaun iha Timor-Leste. Ajénsia ne’e mak balkaun úniku ne’ebé promove, fasilita, monitoriza no defende investimentus privadus no esportasoins. Atu hatene informasaun liután, konsulta: https://www.tradeinvest.tl/

Autoridade Inspesaun no Fiskalizasaun Atividade Ekonómika, Sanitária no Alimentár (AIFAESA, I.P.) ninia misaun mak asegura atividades kontrolu ba kualidade hahán, transporte no kondisoins sanitárias iha fatin produsaun no komersializasaun, estabelesimentus no fatin utilizasaun públika. Iha mós kompeténsia atu halakon, hamenus ka prevene riskus ba saúde públika, no mós atu dixiplina/regula atividades ekonómikas iha sektór alimentár no la’ós alimentár no hala’o kontrolu iha ámbitu metrolojia no normalizasaun, liuhusi lala’ok inspesaun no fiskalizasaun ba kumprimentu legislasaun relasionada.

Harii iha 2012, tuir Dekretu-Lei 35/2012, ho data 18 Jullu. SERVE, I.P. - Servisu Rejistu no Verifikasaun Emprezariál (SERVE) harii nu’udar Institutu Públiku ida, ho objetivu atu promove no fasilita hatama emprezáriu kiik, médiu no boot iha ambiente negósius iha Timor-Leste. SERVE, I.P. loke odamatan ba públiku iha 6 Maiu 2013. SERVE, I.P. mak balkaun úniku dahuluk no Institutu Públiku úniku Timor-Leste nian ne’ebé presta servisus ba de’it empreza sira no fó asisténsia no akonsellamentu ba rejistu legál negósius no empreza sira-nian hodi hala’o atividade komersiál. Atu hatene informasaun liután, konsulta: https://serve.gov.tl/

DNTT mak responsável ba halo verifikasaun no inspesaun ba veíkulus ho motor importadus, liuhusi konfirmasaun lisensa aprovada husi Ministériu Komérsiu no Indústria (MKI)

Unidade Nasional Ozono hatu’ur nu’udar unidade responsável ba jestaun no kontrolu Substánsias ne’ebé destrói kamada Ozono (ODS, sigla iha lian Inglés). Unidade ida ne’e mak kontrola gás importadu liuhusi pedidu lisensa importasaun.

A Autoridade Nacional de Licenciamento Ambiental (ANLA, I.P.) é um tipo de autoridade de estabelecimento público e diretamente e na dependência direta do Secretário de Estado do Ambiente, com administração indireta e competência plena para responsável pelo processo de Licenciamento Ambiental com base no artigo 6.º, n.º 1 a 3 do Decreto-Lei n.º 15/2019, Lei Orgânica da Secretaria de Estado do Ambiente. 15/2019, Lei Orgânica da Secretaria de Estado do Ambiente, aprovado em 10 de julho de 2019 alterado pelo DL n.º. 40/2022 8 junho. Os estatutos da ANLA foram aprovados pelo Conselho de Ministérios em abril de 2022 e publicados em Diário da República pelo pelo Presidente de Timor-Leste em junho de 2022 (DL. n.º 41/2022).