Matadalan ba Esportasaun

Pájina ida ne’e sei fornese informasaun útil ba esportador potensiál sira iha Timor-Leste. Informasaun útil hothotu no kuadru legál/regulamentár define iha ne’e husi kedas Inísiu negósiu to’o esportasaun merkadorias.

Rejistu Empreza

Ema ne’ebé hakarak hala’o atividade importasaun ka esportasaun, ho baze komersiál, iha Timor-Leste, tenke rejista ninia empreza iha Servisu Rejistu no Verifikasaun Emprezariál (SERVE).  Períodu másimu determina ba prosesamentu pedidu rejistu mak loron lima. Favór klik iha ne’e atu haree prosedimentu atu rejista empreza

Rejistu Númeru Identifikasaun Fiskál

Ema hothotu ne’ebé hakarak hala’o negósiu iha Timor-Leste tenke husu Númeru Identifikasaun Fiskál (NIF) husi Autoridade Tributária Timor-Leste (ATTL). Iha kategoria oioin nu’udar pesoa singulár ka koletiva sujeita ba rejista NIF, dezignadamente,  indivíduu, empreza, propriedade komún, fundu fidusiáriu, parseria, empreza públika, asosiasaun, kooperativa no organizasaun semellante sira. Favór klik iha ne’e atu haree prosedimentu kona-ba rejistu NIF.

Lisensa Esportasaun husi Ministériu Komérsiu no Indústria

Pesoa singulár no koletiva ne’ebé esporta merkadorias, ho baze komersiál, tenke hetan autorizasaun husi Ministériu Komérsiu no Indústria. Favór klik iha ne’e atu haree prosedimentu hodi hetan Lisensa Esportasaun

Rejistu Komersiante nian

Atu esporta determinadas merkadorias, esportadór presiza rejista-an iha autoridade responsável ba jestaun merkadoria sira ne’e

Klik iha ne’e Lisensa ba Esportadór/Importadór husi Komisaun Reguladora ba Atividades Farmaséutikas

Klik iha ne’e Konsesaun, Alterasaun no Renovasaun Lisensa ba Atividades Downstream

Prosedimentu ba esportasaun

  • Despaxante hatama Deklarasaun Aduaneira Únika (DAU), dokumentus komprovativus no autoavaliasaun.
  • Iha pista haat personalizada ho kór haat: Modok, Kínur, Sabraka no Mean
  • DAU ne’ebé liu husi pista kór verde ASYCUDA WORLD sei liu lalais  deit tanba la presiza kontrolu
  • DAU ne’ebé liu husi pista kór kinur baibain hetan inspesaun hodi verifika dokumentus loos hotu ka lae.
  • DAU liu husi pista kór sabraka nian submete ba ezame husi raiu X
  • DAU liuhusi  pista kór mean sei sai objetu ba inspesaun fízika rigoroza
  • Validasaun ba prosesu "Husik Esporta" ramata iha sistema ASYCUDA WORLD
  • Hatama kontentór ba ró laran no  autoriza sai

Alfándegas Timor-Leste mak dezenvolve prosesu esportasaun iha kraik. Atu hatene liután kona-ba kada pasu/hakat, favór klik iha íkon ida-idak. Ita-Boot bele tama iha ne’e no transfere prosedimentu operasionál tomak normalizadu kona-ba esportasaun merkadorias.

 

Janela Eletrónika Únika Timor-Leste

Permite komersiante sira submete dokumentus hothotu relasiona ho komérsiu no iha asesu ba informasaun relevante sira kona-ba komérsiu liuhusi portál eletróniku úniku. TILeSW liga ájensia governamentál ualu ba malu hodi aprova husik-sai merkadorias husi alfándegas (dezalfandegamentu). Ita-Boot bele utilisa servisus TILeSW ba:

  • Kompleta dezalfandegamentu
  • Hetan sertifikadu oríjen

Favór klik iha ne’e atu tama ba sistema TILeSW

 

 

Merkadorias proibidas

Merkadorias proibidas inklui maibé la limita de’it ba:

·    Narkótiku ilegál

·    Armas-de-fogo (kilat)

·    Esplozivus

·    Tudik

Karik ema ruma hakarak esporta merkadoria ne’ebé proibidu esporta husi Timor-Leste, Alfándega bele halo apreensaun, no esportadór bele mós sujeita ba sansaun selu multa, detensaun no asaun judisiál

 

Merkadorias Kontroladas/Restritas

Merkadorias Restritas bele inklui, maibé la limita de’it ba, determinadus tipus tuir mai:

  • Medikamentus
  • Veíkulus
  • Plástikus
  • Hahán

Molok esporta merkadorias kontroladas ka restritas husi Timor-Leste, esportadór tenke asegura katak sira-nia merkadoria iha autorizasaun ka lisensa nesesária fó husi autoridades kompetentes no haktuir medidas adekuadas ba esportasaun. Atu hatene merkadoria sira ne’ebé mak tama iha klasifikasaun kontroladas ka restritas ba esportasaun husi Timor-Leste, klik iha “Medidas” iha Portál Komersiál Timor-Leste

Avaliasaun ba Esportasaun

La iha reseitas (impostus no direitus) kobra husi merkadorias esportadas. Aleinde ida ne'e, la kobra ona taxa ASYCUDA WORLD hodi submete DAU

Nota: Tama iha Matadalan ba Esportadór husi TradeInvest atu hetan liután informasaun,

TradeInvest Timor-Leste mak Institutu Públiku Governamentál responsável ba Promosaun Investimentu no Esportasoins. Objetivu TradeInvest nian mak fasilita no apoia investidór no esportadór potensiál sira iha Timor-Leste no ajuda emprezas estranjeiras identifika projetus ba oportunidade negósiu barak tebes ne’ebé mosu dadaun iha Timor-Leste.

 

 

 

Informasaun ne’e ajuda Ita-Boot?
Favor hakerek Ita-Boot nia hanoin no ajuda ami hadi’ak ami-nia konteúdu.