TIMOROAN LOKE NEGOSIU KAFETARIA
“KAFFÉ U’UT”
IHA INDONÉSIA
Bali, 02 Setembro 2024
Vise Ministru Komersiu no Indústria sua eselénsia, Sr. Augusto Junior Trindade, inaugura kafetaria Kaffé U'ut ne'ebe investe husi Timoroan Gally Soares Araújo, loke iha Lippo Mall Bali-Indonésia,
domingu, 01/09.
VMKI, sua eselénsia, Sr. Augusto Junior Trindade, sente orguillu ba empreza Timoroan, Gally Soares Araújo ne'ebe loke ona espasu hodi promove Kafé Timor-Leste ba rai liur.
"Ita Orgullu boot ba Timoroan ne'ebe halo ona negosiu iha ema nia rai hodi diversifika ekonomia iha Timor-Leste no negosiu ida ne'e mós promove produtu Timor nia hanesan Kafé iha nasaun vizinu Indonésia", hateten VMKI.
Governu nia prezensa atu motiva nafatin Timoroan sira ne'ebe investe iha rai liur liliu lori produtu Timor nia promove ba nasaun seluk.
Gally Soares Araújo, hanesan nain ba Kafetaria Kaffé U'ut, hatete inisiativa ne'e atu motiva timoroan sira nafatin promove produtu ita nia, katak Timor-Leste mós bele no iha potênsia boot ba investor sira hodi bele investe iha ita nia rai.
Aliende loke kafetaria, nia mós sei loke restorante ida besik Kafetaria Kaffe U'ut.
Iha Kafetaria ne'e promove mos produtu seluk hanesan Tais, Bafo Kayrala, no café uut husi Letefoho, Atsabe no Café hotu ne'ebe produz iha Timor-Leste.
Entretantu partisipa inaugura kafetaria ne'e mak hanesan, SECoop, Adidu Komersiu iha Jakarta, Assistente adidu iha Bali, Manajer Lippo Mall, no konvidadus sira seluk.
Midia_MKI.
Favor hakerek Ita-Boot nia hanoin no ajuda ami hadi’ak ami-nia konteúdu.