PT. ASIA AROMATIC ESSENTIAL OIL, Iha Interese Hakarak Investe Iha Timor-Leste

Dili, 04 Outubru 2024

Sua Eselensia , Vise-Ministru Komersiu no Industria(V-MKI), Sr. Augusto Junior Trindade simu kompaña internasional PT. ASIA AROMATIC ESSENTIAL OIL husi India, iha salaun gabinete V-MKI, Fomentu Mandarin.

Iha reuniaun ne’e nain ba kompaña PT. ASIA AROMATIC ESSENTIAL OIL, Sr. Alwar Saleem Asma Abdulla, aprejenta sira nia planu investimentu ba V-MKI no sira husu kondisoens hodi fasilita sira atu halo investimentu ne’e, tamba haree ba kondisaun real sira hakarak harii fabrika Mina-morin iha Timor-Leste.

Sua Eselensia , Vise-Ministru Komersiu no Industria(V-MKI), Sr. Augusto Junior Trindade, hato’o nia espresaun kontente tebes tamba investor sira bele mai haree diretamente kondisaun real Timor-Leste nian no iha interese hakrak investe.

“Hanesan governu prontu kria kondisaun atu fasilita investor sira hodi bele halo sira nia investimentu iha ho seguru”, hateten VMKI

Entertantu VMKI mos aprejenta kedas propriedade parke industria rua hanesan Ulmera no Maubara  Munisipiu Likisa, ne’ebe governu prepara ba investor sira hodi haree, nune’e bele halo prosesu tuir mai.

Mídia_MCI

Informasaun ne’e ajuda Ita-Boot?
Favor hakerek Ita-Boot nia hanoin no ajuda ami hadi’ak ami-nia konteúdu.